Produktet e personalizuara

Massimo Dutti ofron një shërbim falas për personalizimin e artikujve të zgjedhur. Për t’i identifikuar lehtësisht, fjala “E personalizueshme” do të shfaqet në një seksion të caktuar të emrit të artikullit. Teknikat e personalizimit që përdorim janë qëndisja dhe gdhendja.

Qëndisja është e mundur për artikuj specifikprej pëlhure që ofrojnë mundësinë e personalizimit me karakteristikat e mëposhtme:

 - Një numër maksimal prej tre inicialesh (me ose pa pikë, si për shembull: A.A.A/AAA).

 - Mundësi për të zgjedhur ngjyrën e perit.

 - Mundësi për të zgjedhur llojin e shkrimit.

Përgjithësisht, pozicioni i qëndisjes nuk mund të modifikohet, me përjashtim në disa këmisha për burra ku do të keni mundësinë të zgjidhni nëse doni të qëndisni kapakun e mëngës në të majtë apo pjesën fundore në të majtë. Në secilin produkt mund të shikoni paraprakisht formatin përfundimtar dhe më pas ta shtoni atë në shportë si çdo artikull tjetër. Në rast se qëndisja, formati, peri ose ngjyra e zgjedhur nuk janë të disponueshme, do ta tregojmë gjatë procesit të blerjes ose edhe pasi të jetë përfunduar porosia. Do t’ju njoftojmë për anulimin e porosisë në rastin e fundit. Pasi porosia të jetë bërë, nuk do të mund ta ndryshoni më tekstin.

Gdhendja është e mundur në artikuj specifik lëkure që ofrojnë mundësinë e personalizimit me karakteristikat e mëposhtme:

 - Një numër maksimal prej tre inicialesh (me ose pa pikë, si për shembull: A.A.A/AAA).

 - Mundësia për të zgjedhur ngjyrën e gdhendjes.

Në secilin produkt mund të shikoni paraprakisht formatin përfundimtar dhe më pas ta shtoni atë në shportë si çdo artikull tjetër. Pasi porosia të jetë bërë, nuk do të mund ta ndryshoni më tekstin. Duke qenë veshje të personalizuara, ato nuk mund të kthehen apo të ndërrohen. Në rast se keni bërë një porosi me artikuj të personalizuar dhe të papersonalizuar, për kthimin e artikujve të papersonalizuar, ju rekomandojmë të kontaktoni Departametin e Shërbimeve të Klientit në seksionin “Kontakto” .

Në rast artikujsh të dëmtuar/gabimesh, ju rekomandojmë të kontaktoni Departametin e Shërbimeve të Klientit në seksionin  “Kontakto” .

Ju lutemi të kini parasysh se, për shkak të personalizimit, dërgesa e artikujve të kthyer do të marrë 72 orë pune shtesë në varësi të llojit të dorëzimit të zgjedhur, dhe se për artikujt e personalizuar nuk mund të zgjidhet opsioni “Brenda ditës”.