Dendako kutxan ordaindutako eskaerak

Zure ohiko dendan bazaude eta zure intereseko salgaia ez badago dendan eskuragarri, baina bai online dendan, dendako kideek aukera emango dizute iPodaren bitartez online eskaera bat izapidetzeko.

Dendako iPodaren bitartez online eskaera bat izapidetzerako orduan, aukera izango duzu iPodean bertan zuzenean ordaintzeko, denborarik galdu gabe eta ilaran itxaron beharrik gabe (massimodutti.com webgunean onartutako edozein ordaintzeko erarekin). Hala ere, eta nahi izanez gero, eskaera dendako kutxan bertan ordaintzeko aukera ere eskaintzen dizugu, dendan onartutako edozein ordaintzeko eraren bitartez. 

Kutxan ordaintzeko eskaerei dagokienez, kontuan izan honako hau:

• Eskaera ez dago deuseztatzerik. Iritziz aldatu baduzu eta eskatutako produktua nahi ez baduzu, hura jaso arte itxaron beharko duzu; orduan izango duzu itzultzeko aukera, erositako merkatu berbereko denda batean, kutxan inprimatutako jatorrizko ordainagiria erakutsiz (Espainiako Penintsula eta Kanaria Uharteak merkatu ezberdinak dira).
• Eskaera ez dago aldatzerik. Hura jaso arte itxaron beharko duzu; orduan izango duzu aldatzeko aukera (produktu/erreferentzia berbera, kolore ezberdina eta/edo tamaina ezberdina), egoera ezin hobean badago, prezioa aldatu ez bada eta dendak produktu horren izakinak baditu. Aldaketa egiteko, dendak erosketa-merkatu berberean egon beharko du, eta inprimatutako jatorrizko ordainagiria aurkeztu beharko duzu kutxan (Espainiako Penintsula eta Kanaria Uharteak merkatu ezberdinak dira). 
• Ezin duzu etxetik edo posta-bulegotik/bilketa-gunetik produkturik itzuli. Erosketa-merkatu berberean dagoen denda batera joan behar duzu, eta kutxan inprimatutako jatorrizko ordainagiria aurkeztu (Espainiako Penintsula eta Kanaria Uharteak merkatu ezberdinak dira). 

Eskaera osagabe edo okerra jasoz gero, dendara joan beharko duzu erosketaren tiket inprimatuarekin, eta kutxan aurkeztu, bertako kideek kasuan kasuko kudeaketak egin ditzaten. Zalantza edo arazorik izanez gero, jarri harremanetan Bezeroentzako Arreta Zerbitzuarekin.